ശത്രുപാളയത്തില്
മൂര്ച്ച കൂട്ടപ്പെടുന്ന
ആയുധങ്ങളുടെ സീല്ക്കാരം.
ശവപ്പക്ഷിയുടെ
ചോരയുണങ്ങാത്ത ചുണ്ടില്
പുതിയ ഇരയുടെ പ്രാണരോദനം.
തോല്വിമാത്രമുള്ള യുദ്ധത്തില്
തോറ്റവരുടെ വിജയഹാസം.
കണ്ണുകെട്ടിയ നീതിപീഠവും
കണ്ണുവറ്റാത്ത അമ്മയും
പതിവുപോലെ ശേഷിച്ചു!
കണ്ണുവറ്റാത്ത അമ്മയും
പതിവുപോലെ ശേഷിച്ചു!
വീണ്ടും
ശവങ്ങളുടെ മണം
ഭരണത്തിന്റെ നിരോധനാജ്ഞ
ഭയം തിന്നുവളരുന്ന കുഞ്ഞുങ്ങള്.
വയ്യ സുഹൃത്തേ, ഇനിയും!
ജീവിക്കാനുളള കൊതികൊണ്ട്
ഒരിക്കല്ക്കൂടി ചോദിക്കട്ടെ
ഞാന് ജീവിച്ചോട്ടെ ?